3. september 2008

Hæhæ...

... ætli við systur verðum nú ekki aðeins að láta í okkur heyra. Það er aldrei góðs viti þegar að mamma er farin að kvarta. Það er nú hún sem gefur okkur að borða. Ætli það sé ekki best að halda henni góðri.

Núna er öll fjölskyldan byrjuð í skólunum sínum. Þannig að núna er ég loksins byrjuð að fá að kúra almennilega á morgnanna.

Kara "frænka" er búin að vera dugleg að kíkja í heimsókn. Pálmar bró og Gerður eru búin að vera að passa hana og komu nokkrum sinnum með hana. Það er svo merkilegt að maður næstum horfir á hana stækka í hvert skipti. Nú er hún orðin stærri en Úa. En það sést greinilega að Úan okkar ræður ennþá.

Svo er búið að skrá Úu á haustsýniguna. Við systur erum sko farnar að hlakka til. Við ætlum að reyna eftir bestu getu að vera duglegar að mæta í sýningarþjálfanir.

Í gær var svo æðislegt veður að Guðný vinkona dró okkur út í göngutúr. Það var sko ekkert smá gaman, við stoppuðum á Súfistanum og fengum okkur kakó (sumir fengu þó ekkert nema rjóman ofan á, en voru samt MJÖG sáttir). Á þessu rölti okkar um bæinn hittu við átta hunda og heyrðum í nokkrum til viðbótar. Það er greinilegt að Hafnfirðingar eru duglegir að nota góða veðrið þegar að það kemur.

Jæja, knús á ykkur öll,

Arna og Úa.