Jæja, nú er nú heldur betur búið að ver mikið að gerast. Jólin voru æðisleg hjá okkur. Öll fjölskyldan var í góðu jólafríi og Úan okkar var nú held ég orðin dálítið þreytt á okkur...alltaf eitthvað að gerast á hverjum morgni ekki bara hún ein að kúra... hún er ábyggilega fegin að við séum aftur farin í skólann. En Úu var nú sérstaklega boðið í jólaboð þegar að fjölskyldan fór í annað. Hún var ótrúlega ánægð með það, enda fór hún til "fósturforeldra" sinna, Þóru og Einars. :)
Um áramótin var nú voða lítið vesen á Úu. Hún hafði áhuga á áð skoða alla þessa fallegu flugelda og svo um tólf leytið passaði hún sig bara á að vera nógu nálægt stóra bróður. Ekki slæmt að hafa sinn eiginn lífvörð. En við vorum alveg búin að búast við því að hún yrði hræddari, en Úan okkar er lílega svona mikil hetja.
Svo er skvísan okkar líka búin að vera í sýningarþjálfun. Og að okkar mati gengur bara ágætlega. Alla vega miðað við kunnáttu sýnandans.... Eina sem er að er þegar að hún fer á sýningarborð í þjálfunninni þá verður hún alltaf smeik, en sama hvaða borð heima við skellum henni á þá er hún alltaf voða góð (og á það reyndar til að reyna að leggja sig svolítið :)
Búið er að ákveða að drífa alla fjölskylduna til Englands í sumar. Úa verður þá í tveggja vikna dekri hjá Þóru og Einari á meðan. Ekkert smá heppin. :)
Kv. Arna Bergrún
No comments:
Post a Comment