12. júlí

Jæja, nú er liðið full langt síðan við blogguðum seinast. Úan okkar orðin rúmlega 12 vikna og hún er sko búin að afreka margt.

Úa er búin að fara með okkur upp í Kvistó og gisti meira að segja eina nótt. Hún var svaka dugleg svaf vel og svo var henni alveg sama þótt hún mætti ekki hoppa frjáls þar eins og í garðinum heima, var bara í grindinni sinni. Og svo er hún algjört yndi í bíl, sefur bara og er ekkert bílveik.

Við stelpurnar þrjár á heimilinu fórum líka í dagsferð upp í Kvistó á mánudaginn, komum við á Akranesi og í Borgarnesi (nokkrar myndir í albúmi).

Svo í gær var Úa algjör hetja. Hún fór í skoðun hjá dýralækni og fór í sprautu. Hún stóð sig ekkert smá vel . Allt var í lagi hjá henni og hún lofar mjög góðu.

Núna eru líka hafnar daglegar æfingar hjá henni og henni gengur bara furðuvel. Úa kemur þegar kallað er á hana (oftast, nema eitthvað annað rosa spennandi sé að gerast ) og svo sest hún yfirleitt þegar henni er sagt og svo er núna byrjað að kenna henni að sækja og hlýðir hún því oft. Sem sagt mjög hæfileikaríkur hundur hér á ferð.

Jæja, þetta er komið gott að sinni, kv. Arna Bergrún.