Myndavél heimilisins er eitthvað í ólagi og því höfum við ekki sett inn myndir lengi það er verið að safna fyrir nýrri. Af Úu er allt gott að frétta hún er hvers manns hugljúfi er farin að heilsa en með vinstri ég veit ekki hvort hún er örvhent eða hvort þetta eru yfirlýsingar um stjórnmálaskoðun hennar en það kemur væntanlega í ljós í næstu kosningum.
Við höfum margoft sagt að hún sé ekkert venjulegur hundur eða hafa margir heyrt um það að hundar fari í felur um leið og þeir sjá tauminn? Úa gerir það! Ég fór á saumahelgi um síðustu helgi og þegar ég kom heim elti Úa mig um húsið í marga klukkutíma, hún ætlaði sko að sjá til þess að ég færi ekkert á svona flakk aftur ég gæti bara saumað heima hjá mér og hana nú!
Fjölskyldan er að fara bráðlega til Búlgaríu í brúðkaup og við fengum heimsins bestu pössun fyrir Úu, við höfum smá áhyggjur af því að hún vilji ekki koma heim aftur.
Úa er 6 mánaða í dag til hamingju með það Úa hrúga!
Fyrir Úu hönd, AB.
Subscribe to:
Post Comments (Atom)
No comments:
Post a Comment