15. nóvember 2008

..Nú hefur verið algjört bloggleysi hér á bæ en ætlunin er nú að reyna að bæta úr því. ;) Það hefur nú aðeins fjölgað á heimilinu en Pálmar stóri bró og Gerður mák eru flutt til okkar. Sem er náttúrulega algjört æði þar sem sem ég fæ ennþá meiri athygli! Svo er svo kósý að það er yfirleitt alltaf einhver heima hjá mér. ;)

Svo er bara fullt að gera hjá mér við að fá vini í heimsókn sem er snilld! Kara hennar Gerðar kíkir oft á mig og svo hef ég fengið að hitta Freknu frænku aftur, farið í göngur með Natani hvolpaskotinu hennar Guðnýjar og svo kemur auðvitað draumaprinsinn minn París reglulega ;)

Svo er nú orðið allt of stutt í prófatörnina hjá skólafólkinu á heimilinu... ohh... allt of mikið að gera hjá þeim, en það leiðir þó af sér hið frábæra jólafrí ;) Og svo erum við systurnar að vinna í því að sannfæra mömmu um að við séum ekkert orðnar of stórar fyrir Snæfinn (pakkadagatal) en mér fannst svo ótrúlega gaman að rífa utan af pökkunum í fyrra ;)

Jæja, læt þetta duga í bili og knús og kossar til ykkar allra, reyni að láta líða styttra á milli blogga,
Úa mús. ;)